E ardhmja e natës agimi. Ti e prite.

E ardhmja e agimit dita e plotë. Ti e rrove.

E ardhmja e ditës mbrëmja. Ti u krodhe në të.

E ardhmja e mbrëmjes nata. Ti me të u përziejte.

Në ciklin e vazhdueshëm të ndjenjavet të tua të ndryshme

u ndodh – aty për aty pa i vënë re – mungesa

 e njëi agimi e njëi dite e njëi mbrëmjeje e njëi nate:

 një zbrazëti e kujteses!

Humbe një nga të tre shpirtrat e tu.

Sot meshon greqisht e dashuron italisht.

 Në librat vetëm rri shkruar si ngjarja ndodhi

se ti shpirtra pate tre.